7 մարդ է զոհվել, 116-ը վիրավորվել Թայվանի հարավային հատվածում շարունակվող հորդառատ անձրևների և ուժգին ջրհեղեղների հետևանքով: Այս մասին հաղորդում է NHK գործակալությունը՝ վկայակոչելով կղզու արտակարգ իրավիճակների արձագանքման կենտրոնը:
Անձրևները չեն դադարում կղզում անցած շաբաթվանից: Օդերևութաբանների խոսքով՝ հորդառատ անձրևները կշարունակվեն մինչև մյուս շաբաթ:
Ժամանակավոր ապաստարաններում է մնում մոտ 600 մարդ:
Տեղի իշխանությունները նախազգուշացրել են նաև սողանքների և փլուզումների սպառնալիքի մասին: