Միջազգային

ԱՄՆ-ի Սենթ Լուիս քաղաքում շարունակվում է «Grand Chess Tour»-ի ԱՄՆ-ի փուլի՝ «Sinquefield Cup» մրցաշարը, որին Հայաստանը ներկայացնում է մեր հավաքականի առաջատար Լևոն Արոնյանը: Այսօր կայացած 4-րդ տուրում Արոնյանը սևերով ոչ-ոքի խաղաց Ադրբեջանի ներկայացուցիչ Շախրիյար Մամեդյարովի հետ։ Այսպիսով, 4 տուրից հետո մրցաշարային աղյուսակի առաջատարը Արոնյանն է՝ 2,5 միավորով։ Երկրորդ հորիզոնականում է Մամեդյարովն է՝ նույնքան միավորով։

Մրցաշարային աղյուսակն ունի հետևյալ տեսքը՝

1․ Լևոն Արոնյան՝ 2,5 միավոր

2․ Շախրիյար Մամեդյարով՝ 2․5 միավոր

3․ Ալեքսանդր Գրիշչուկ՝ 2,5 միավոր

4․ Մագնուս Կարլսեն՝ 2,5 միավոր

5․ Մաքսիմ Վաշյե Լագրավ՝ 2 միավոր

6․ Վիշվանաթան Անանդ՝ 2 միավոր

7․ Ֆաբիանո Կարուանա՝ 1,5 միավոր

8․ Ուեսլի Սո՝ 1,5 միավոր

9․ Հիկարու Նակամուրա՝ 1 միավոր

10․ Սերգեյ Կարյակին՝ 1 միավոր