«Փյունիկ» ֆուտբոլային ակումբը այս մրցաշրջանից հանդես է գալու նոր տարբերանշանով: Այս մասին հայտնում է ակումբի մամուլի ծառայությունը՝ նշելով, որ հիմա աշխատանքներ են տարվում նոր կայքի ստեղծման ուղղությամբ:
Ներկայացնում ենք տարբերանշանի իմաստը, որը դրվել է վերջինիս հիմքում․
1. Ակումբի հիմնական գույնը նռան գույնն է։ Հայկական դիցաբանության մեջ նուռը խորհրդանշում է հաջողություն և պտղաբերությունը (այս դեպքում՝ գոլերի առատությունը):
2. Վերևում Արին-բերդի թագն է՝ Երևան քաղաքի խորհրդանիշը։
3. Մեջտեղում հայոց այբուբենի բնորոշ զարդանիշ տառերն են։
4. Ձախից անսահմանության խորհրդանիշն է։
5. Աջից՝ Հայաստանի խորհրդանիշը (հաճախ օգտագործվում է խաչքարերի վրա)։
Բոլորը միասին նմանվում են ազնիվ հայկական պտղին՝ նռանը։ Այնտեղ մեծ թվով համեղ հատիկներ են, բայց միայն միասին ենք մենք ակումբ: