Արձակագիր, հրապարակախոս Բակուր Կարապետյանը գրել է.
«ՀՀ Ազգային ժողովի նախագահ պարոն Բաբլոյանին.
Համոզիչ լինելու համար կարո՞ղ եք մի քանի նախադասություն ինքնուրույն, առանց ուրիշի գրածը մեծ ճիգերով ընթերցելու արտահայտել: Ձեր հեռուստատեսային ելույթ-ընթերցանությունն ամենևին համոզիչ չէր նաև բովանդակային իմաստով: Այն ամբողջովին ուղղված էր նոր Հայաստանի կերտման դեմ:
Պարոն բժիշկ, ընդունեք, որ ՀՀԿ-ն, ձեր ողջ թիմը այլևս անցյալ է, ու ետ ճանապարհ չկա, քանի որ տեղի է ունեցել հանրության մտածելակերպի փոփոխություն: Ինչքան էլ փորձեք փրկել Քոչարյան-սարգսյանական թալանչիական, կոռուպցիոն համակարգը, բարոյա-հոգևոր անկումը, ոչինչ չի ստացվելու:
Հայաստանի ժողովուրդն անդառնալիորեն ներքին հեղափոխություն է ապրում: Մ´ի փորձեք խանգարել այդ վերափոխությունների ընթացքին: Հայ ժողովուրդը դա ձեզ ու ձեր համախոհներին չի ների: Քանի ուշ չէ, ուժ գտեք ձեր մեջ, հեռու կանգնեք սադրիչների կամակատարը լինելուց»: