Իրադարձություններ

«Մենք տնտեսությունում լրջագույն հաջողություն ենք ունենալու։ Մենք ուզում ենք, որ տնտեսական աճի մոդելը փոխվի, որովհետև հասկանում ենք, որ շարունակում ենք մնալ այն հին մոդելի մեջ, երբ տնտեսական աճը քաղաքացիները առանձնապես չեն զգում։ Մենք հենց դա ենք փոխելու Հայաստանում՝ հին տնտեսական համակարգը փոխարինելու ենք ներառող տնտեսական համակարգով, ինչը նշանակում է, որ Հայաստանի բոլոր քաղաքացիներն ունենալու են տնտեսական գործունեությամբ զբաղվելու միևնույն հնարավարությունը, միևնույն հասանելիությունը, բոլորը հավասար են լինելու օրենքի ու հարկային մարմինների առաջ»,- հայտարարեց Փաշինյանը Հանրապետության հրապարակի հանրահավաքի բեմից։