Հայաստանի սպառողների միության ՀԿ նախագահ Արմեն Պողոսյանն այսօր լրագրողների հետ զրույցում նշել է, որ սպառողական շուկայում 2017 թվականի համեմատ այս տարի 22%-ով նվազել են բանջարեղենի և մրգերի գները, փոխարենը բարձրացել է մսի և կարագի գինը:
Հակադրվելով Արմեն Պողոսյանին՝ նշենք, որ վերջին շրջանում նախորդ տարվա նույն ժամանակահատվածի համեմատ, բանջարեղենի թանկացման զգալի աճ է արձանագրվել մայրաքաղաքի բանջարեղենի վաճառքով զբաղվող խանութներում, նույն վիճակը նաև գյուղատնտեսական շուկայում է: Օրինակ, կանաչեղենի՝ հատկապես համեմի գինը, այս օրերին առանձին խանութներում տատանվում է 200-300 դրամի միջակայքում:
Սպառողի համար սա անսովոր երևույթ է, քանի որ շուկայում նման իրավիճակը, այն էլ օգոստոսին, աննախադեպ է:
Ի դեպ, գյուղատնտեսական ապրանքների շուկայում գնաճի թեմայով MAMUL.am-ի թղթակիցն օրերս զրուցել է ՀՀ գյուղատնտեսության նախարարի տեղակալ Գառնիկ Պետրոսյանի հետ: