Խնդրում ենք սպասել...

Ի՞նչ ենք ուտում, հագնում, դիտում

Ամենաառողջ սննդակարգը՝ ըստ գիտնականների

14:25, երեքշաբթի, 31 հուլիսի, 2018 թ.
Ամենաառողջ սննդակարգը՝ ըստ գիտնականների

Կետոգենիկ սննդակարգն ավելորդ քաշը կորցնելու ամենաիդեալական միջոցն է: Նման եզրահանգման են եկել ամերիկացի գիտնականները, գրում է Business Insider-ը:

Կետոգենիկ սննդակարգը ցածր ածխաջրային սննդակարգ է` ճարպերի և սպիտակուցների չափավոր քանակությամբ: Այս սննդակարգն օրգանիզմի ընդունած ճարպերն օգտագործում է որպես էներգիայի աղբյուր: Սովորաբար սննդի մեջ պարունակվող ածխաջրերը վերածվում են գլյուկոզի, ինչը շատ կարևոր է ուղեղի աշխատանքի համար: Սակայն եթե սննդակարգում ածխաջրերը քիչ քանակությամբ են, գլխուղեղում գլյուկոզի փոխարեն ճարպերն են էներգիայի պաշար հանդիսանում: Լյարդը ճարպը վերածում է ճարպաթթուների և կետոնային մարմինների: Հենց վերջիններն էլ գլյուկոզի փոխարեն էներգիա են մատակարարում մարմնին:

Գիտնականները պնդում են, որ այս սննդակարգն օգնում է մարդուն կառուցել սեփական սննդառեժիմը, բարելավել բոլոր ներքին օրգանների աշխատանքը, սրտանոթային գործունեությունը, մարսողությունը, ինչպես նաև նվազեցնել այնպիսի ծանր հիվանդությունների զարգացման ռիսկը, ինչպիսին է Ալցհեյմերի հիվանդությունը կամ ծերունական թուլամտությունը:

45933 | 2
Facebook