Խնդրում ենք սպասել...

Համացանց

«Ժամանակին Հովիկ Աբրահամյանը «փայլուն» միտք արտասանեց Ազգային ժողովում». Արթուր Սաքունց

22:05, ուրբաթ, 20 հուլիսի, 2018 թ.
«Ժամանակին Հովիկ Աբրահամյանը «փայլուն» միտք արտասանեց Ազգային ժողովում». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է.

Ժամանակին կարկառուն բայց արդեն նախկին ՀՀԿ֊ական Հովիկ Աբրահամյանը «փայլուն» միտք արտասանեց Ազգային ժողովում. «քաղաքականությամբ զբաղվելու համար խելք պետք չի»։

Երևի նկատի ուներ, որ միայն մեկ խելք ունեցողն էլ բավարար է, մնացածները կարող են հանգիստ, «դինջ» դամ քաշել։

Թե ինչ ստացվեց արդյունքում, տեսանք։ Մեկ հոգու խելքին հույս դրած համակարգը փլուզվեց աչքներիս առաջ, ակնթարթում այդ մեկ հոգու սխալի արդյունքում։ «Նիկոլ Փաշինյանը ճիշտ էր, ես սխալվեցի», ասեց ու ոչ միայն հեռացավ, այլև անտերության մատնեց որբացածներին։

Ասածս ինչ է։

Քաղաքականությամբ զբաղվելու համար էլ է պետք ունենալ խելք, մտածելու կարողություն, հատկություն՝ մի հոգու վրա հույս մի դրեք։

Մտածողների, ոչ թե շուստրիների թիմ, քաղաքական ուժ է պետք։

13628 | 15
Facebook