Ռուսաստանի Դաշնությունը՝ որպես գերտերություն, ունի հնարավորություն թույլ չտալու պատերազմի վերսկումը մեր տարածաշրջանում: Այս մասին այսօր լրագրողների հետ զրույցում ասել է ՀՀ վարչապետ Նիկոլ Փաշինյանը:
«Չեմ կարող հավատալ, որ Ռուսաստանը՝ որպես Հայաստանի ռազմավարական գործընկեր և բարեկամ, իր լծակները չի օգտագործի տարածաշրջանում ռազմական գործողությունների վերսկումը թույլ չտալու համար: Ես չեմ կարող դրան հավատալ»,- նշել է Նիկոլ Փաշինյանը:
Իսկ ինչ վերաբերում է լարվածության աստիճանին, վարչապետն ասել է.
«Մի քիչ կարող է ավելանալ, պակասել, բայց ընդհանուր ռազմաքաղաքական լարվածությունն է մեծ, որը կարող է մի օր կրակոցներով չարտահայտվել, մի օր արտահայտվել, սակայն դա չի նշանակում, որ մի օրում ռազմաքաղաքական իրավիճակը փոխվեց»,- հավելել է ՀՀ վարչապետը: