«Սասնա ծռերի» գործով հերթական դատական նիստում Պավել Մանուկյանն աղմկահարույց հայտարարությամբ է հանդես եկել: «Բիլյանը և Բարսեղյանը մեղադրվում են այնպիսի հանցանքների մեջ, որոնց հետ նրանք բացարձակապես ոչ մի կապ չունեն: Պատահական կրակոցով ձեռքից վիրավորված անձը հետագայում մահացավ արյան վարակից (նկատի ունի վիրավորված ոստիկաններից մեկին): Պատահական կրակոցի հեղինակն իմ սիրելի ընկեր Էդվարդ Գրիգորյանն է, որի համար հիմա պատժվում է Արմեն Բիլյանը: Մեկ էլ՝ բանկոմատ բացելու խնդիր են ասում ինչ-որ: Դրա հեղինակն էլ մեր սիրելի ընկեր Մխիթար Ավետիսյանն է»,- հայտարարել է Պավլիկ Մանուկյանը:
Ավելի ուշ Մխիթար Ավետիսյանն ու Էդվարդ Գրիգորյանը հերքել են Մանուկյանի հայտարարությունը։