Փաստաբան Դավիթ Գյուրջյանը Ֆեյսբուքի իր էջում գրել է.
«Ցավով արձանագրենք, որ Արդարադատության նախարարությունը դեռևս չի կարողանում ապահովել ԴԱՀԿ ծառայության կողմից մի պարզ, 2 տարի առաջ կայացված՝ երեխայի բնակության վայրը մոր հետ սահմանելու մասին վճռի կատարումը: Եվ ցավոք ՀՀ հատուկ քննչական ծառայությանը կես տարին բավարար չէ հասկանալու համար, որ ԴԱՀԿ ծառայողների անգործությունը պարունակում է հանցակազմ և քննիչը դեռ ծամծմում և մաժմժում է քրեական գործի նյութերը: Ահա այսպես...
Ուզում եմ հավատալ, որ իմ բողոքն ուղղված պարոն Զեյնալյանին իրականում պարզապես նրան չի հասել, թեև դա ևս վրդովվեցնող է: Հարգելի ՀՀ հատուկ քննչական ծառայություն, դեռ քանի՞ տարի եք պատրաստվում խորհել, օրինական ուժի մեջ մտած վճիռը չկատարող ԴԱՀԿ ծառայողների անգործության բարդագույն խնդրի կապակցությամբ»: