Ինչպես արդեն նշել ենք, Հելսինկիի նախագահական նստավայրի դահլիճում տեղի է ունեցել Ռուսաստանի և Միացյալ Նահանգների նախագահների հանդիպումը:
«Ես ուրախ եմ հանդիպել Ձեզ Ֆինլանդիայի հյուրընկալ հողի վրա: Ժամանակն է հանգամանորեն խոսելու ինչպես երկկողմ հարաբերությունների, այնպես էլ աշխարհի ցավոտ խնդիրների շուրջ, իսկ դրանք բավականին շատ են»,- հայտարարել է Ռուսաստանի նախագահ Վլադիմիր Պուտինը Դոնալ Թրամփի հետ դեմ առ դեմ հանդիպման սկզբում:
ԱՄՆ-ի նախագահն էլ իր հերթին նշել է, որ «կա թեմաների մեծ շարք, որոնք պետք է քննարկել», այդ թվում առևտրային, ռազմական, ինչպես նաև Չինաստանի հետ հարաբերություններին առնչվող հարցերը:
«Մեր երկու երկրներն ունեն մեծ հնարավորություններ, որպեսզի կարողանան կարգավորել փոխհարաբերությունները»,- ասել է Դոնալդ Թրամփը: