«Շնորհավորում եմ բոլորիս, որ կարողացանք մեկ տարվա ընթացքում մաքրել Երևանը ՀՀԿ-ական աղբից: Մենք իրենց դուրս ենք շպրտել այս դահլիճից: Փետրվարի 13-ին մեզ բռնությամբ էին հանում այստեղից, իսկ մենք հիմա իրենց ենք դուրս հանել այստեղից: Մենք նրանց ուղեկցելու ենք նաև համապատասխան ՔԿՀ-ներ. դա պետք է լինի ակնկալվող արդյունքը: Չենք ասում հաշվեհարդար, այլ՝ օրենքով արդար պատիժ»,- Երևանի քաղաքապետի ընտրության տապալումից հետո հայտարարեց քաղաքապետի թեկնածու Զարուհի Փոստանջյանը՝ հավելելով, որ ակտիվ մասնակցելու են նաև արտահերթ ընտրություններին: