Ուզբեկստանի մայրաքաղաք Տաշքենդում ընթանում է ծանրամարտի երիտասարդական աշխարհի առաջնությունը, որին Հայաստանը ներկայացնում է 3 ծանրորդ։ Այսօր պայքարի մեջ մտավ 94 կգ քաշային Սամվել Բաբակյանը։ Մեր ծանրորդը, պոկելով 160 կգ և հրելով 201 կգ, երկամարտի 361 կգ արդյունքով զբաղեցրեց 3-րդ տեղը՝ նվաճելով բրոնզե մեդալ։
Պոկում վարժությունում մեր ծանրորդը, հաջող կատարելով 2 մոտեցում, 3-րդն էր, իսկ հրում վարժությունում, հաջող կատարելով 2 մոտեցում՝ 4-րդը։ Այս քաշային կարգի հաղթող դարձավ Կատարի ներկայացուցիչ Ֆարիս Իբրահիմ Էլբաքը ՝ երկամարտի 385 կգ արդյունքով, արծաթե մեդալ նվաճեց Կոլումբիան ներկայացնող Ջոնաթան Ռիվաս Մոսկերան՝ երկամարտի 385 կգ արդյունքով։