Այսօր՝ 2018 թ. հուլիսի 12-ին, ՀՀ Վարչական դատարանը մերժեց Պաշտպանության նախարարության դեմ ՀՔԱ Վանաձորի գրասենյակի հայցը:
Ավելի վաղ ՀՔԱ Վանաձորի գրասենյակը պահանջել էր զինվորական ծառայության սահմանափակումների բնութագրի, թույլատրվող ֆիզիկական վարժությունների և զինծառայողների պաշտոնների նշանակման սահմանափակումների վերաբերյալ ՀՀ Զինված ուժերի գլխավոր շտաբի պետի 2014 թ. հունվարի 15-ի հրամանով հաստատված ձեռնարկի պատճենը:
Պաշտպանության նախարարությունն ավելի վաղ մերժել էր տրամադրել տեղեկատվությունը՝ այն համարելով պետական գաղտնիք: