Խնդրում ենք սպասել...
Այսօր`  չորեքշաբթի, 18 հուլիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

«Ի՞նչ է նշանակում՝ մեքենան 50 սմ առաջ կանգնեցնելու համար, 5000 դրամ տուգանք». Գևորգ Պետրոսյան

12:35, չորեքշաբթի, 11 հուլիսի, 2018 թ.
«Ի՞նչ է նշանակում՝ մեքենան 50 սմ առաջ կանգնեցնելու համար, 5000 դրամ տուգանք». Գևորգ Պետրոսյան

«Ի՞նչ է նշանակում՝ մեքենան 50 սմ առաջ կանգնեցնելու համար, 5000 դրամ տուգանք: Եկեք դրա մասին մտածենք. մեր երկրում տուգանքները համահունչ չեն բնակչության կենսամակարդին: Եթե ՀՀ-ում նվազագույն աշխատավարձը 55 հազար դրամ է, ու դրանով է ապրում, իրավունք ունի չէ՞ ավտո վարել ու որանքո՞վ է արդարացի չնչին խախտման համար տուգանելը, հետո էլ բռնագանձումը տարածելը նրա ունեցվածքի վրա: Կառավարությունը պետք է հիմնովին վերանայի տուգանային քաղաքականությունը»,- հայտարարեց «Ծառուկյան» խմբակցության պատգամավոր Գևորգ Պետրոսյանը:

Հիշեցնենք՝ ԱԺ-ն քննարկում է «Մի շարք վարչական իրավախախտումների համար կիրառված տուգանքների համաներման մասին» օրինագիծը, որով նախատեսվում է մինչև 2017-ի դեկտեմբերի 31-ը ճանապարհային կանոնների վարչական իրավախախտում կատարած անձանց նկատմամբ համաներում հայտարարել:

Ելույթ ունեցավ նաև ԱԺ փոխնախագահ Միքայել Մելքումյանն՝ ասելով, որ դեմ է կոսմետիկ կարգավորումներին, պետք է նոր, արդար համակարգ ստեղծվի. «Պետք է հասկանալ՝ սա ինչո՞ւ առաջացավ: Մարդիկ եղել են բարեխիղճ, հետո են դառե՞լ անբարեխիղճ, թե՞ ի վերուստ անբարեխիղճ են եղել: Եթե ՀՀ-ում 440 հազար մարդ մինչև 150 հազար դրամ աշխատավարձ է ստանում, ու ամսական 1-2 խախտում է անում՝ դա կազմում է 15-20 հազար դրամ, ապա դա խայտառակություն է: Այսինքն, պետության քաղաքականությունը պետք է մարդկանց կյանքը բարեկեցիկ ու գրավիչ դարձնի»,- ասաց Մելքումյանը:

| | |
4524 | 0