Հունիսի 24-ին, ժամը 18:27-ին «911» ծառայությանն ահազանգ էր ստացվել, որ ժամը 12:00-ի սահմաններում Վ. Ա-ն (1939թ.) կորել է Լոռու մարզի Սարատովկա գյուղի մոտակա անտառում. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Ժամը 22:20-ի դրությամբ աշխատանքներն ավարտվել էին անարդյունք:
Հունիսի 25-ին, ժամը 07:00-ին որոնողական աշխատանքները վերսկսելու նպատակով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և մարզային փրկարարական վարչության օպերատիվ խումբը:
Դեպքի վայրում աշխատում են 26 փրկարար ծառայողներ:
Կտրվի լրացուցիչ տեղեկություն: