Արդեն հայտնել էինք, որ ոստիկանները խուզարկել են «օրենքով գողերի» և քրեական հեղինակությունների բնակարանները, այդ թվում՝ «Պիստ» մականվամբ Արմեն Իսրայելյանի տունը, որտեղից հայտնաբերվել է հրազեն ու հրացաններ: Ասում են՝ Էրեբունի վարչական շրջանից թաղային հեղինակություն Պիստն ու Երևանի քաղաքապետ Տարոն Մարգարյանը քավոր-սանիկ հարաբերությունների մեջ են: Քաղաքապետի դեմ ցույցերի օրերին Պիստն իր «շքախմբով» եկել էր աջակցելու վերջինին: Ավելին, լուրեր կան, որ շարժման օրերին հենց նա էր մտնում համայնքի մանկապարտեզները և հրահանգում տնօրեններին ֆեյք էջեր բացել ու Հանրապետականի լոբբինգն անել: