Քիչ առաջ ավարտվեց Արմավիրի մարզպետ Գագիկ Միրիջանյանի և Էջմիածնի քաղաքապետ Կարեն Գրիգորյանի փակ հանդիպումը:
Մարզպետ Գագիկ Միրիջանյանը լրագրողների հետ զրույցում տեղեկացրեց, որ Կարեն Գրիգորյանի կողմնակիցները Էջմիածնում կդադարեցնեն նստացույցը և հացադուլը: Ինքը բաց է քննարկումների համար նաև Կարեն Գրիգորյանի հրաժարականը պահանջողների հետ: «Մարզի ցանկացած բնակչի հետ ես միշտ պատրաստ եմ հանդիպում իրականացնել»,- ասաց նա:
Մարզպետը և Կարեն Գրիգորյանը համատեղ հայտնեցին, որ վերջինս շարունակելու է կատարել քաղաքապետի լիազորությունները: