Իրադարձություններ

Արդեն մի քանի օր է, Արարատի և Արագածոտնի մարզերում շարունակվում են 14-ամյա Հայկ Հարությունյանի որոնողական աշխատանքները։ Ինչպես հայտնում է Shamshyan.com-ը, երեխային փնտրելու աշխատանքներին ներգրավված են արտակարգ իրավիճակների նախարարության փրկարար ծառայության մի քանի ստորաբաժանումների ծառայողներ, ոստիկանության մեծ թվով ծառայողներ, ինչպես նաև մեծ թիվ են կազմում կամավորները։ Ստուգումներ են կատարվում Այնթափի, Նորագավիթի տարածքներում, այդ թվում այնպիսի վայրերում, որտեղ ամիսներով մարդ չի անցնում։ Մինչդեռ թե ոստիկանները, թե փրկարարներն ու թե կամավորները Հայկի հարազատների հետ «սանրում են» բոլոր կասկածելի հատվածները։