Պատմաբան Վահրամ Թոքմաջյանը ֆեյսբուքյան իր էջում գրել է.
«Պարզվում է, կաթողիկոսի հրաժարականը պահանջող խմբի ու կաթողիկոսի շահերի պաշտպանների մեջ ծեծկռտուքին մասնակցել են նաև ճեմարանի ուսանողները: Բնական է, գարեգինյան թևից: Նրանք հանած են եղել աստվածօրհնյալ սուրբ հագուստը, փոխարենն հագել են քաղաքացիական հագուստ, մոռացել են Աստվածաշնչում կարդացածները և տեղի է ունեցել այն, ինչ բոլորդ տեսել եք:
Ես չեմ զարմանա, եթե պարզվի, որ նախորդ ընտրություններին, լցոնումներ և կեղծիքներ կազմակերպող խուժան թայֆաների մեջ, ներառված են եղել նաև, ներեցեք արտահայտությանս, Գարեգին Բ-ի սրբազան օրհնությունը ստացած այն աղվամազավորները, որոնք մոտ ապագայում պատրաստվում են հավատացյալ հոտիս ցույց տալ Աստծո ճմարիտ ուղին»: