Սինգապուրում Սենտոզա կղզում Capella հյուրանոցում կայացել է ԱՄՆ նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ինի պատմական հանդիպումը, հաղորդում է BBC-ն:
Հանդիպումից առաջ կողմերը փոխանակվել են պատմական ձեռքսեղմումով: Թրամփն ասել է, որ հույս ունի, որ բանակցությունները հաջողությամբ կպսակվեն և չի կասկածում, որ ԱՄՆ-ի և Հյուսիսային Կորեայի հարաբերությունները հիանալի կլինեն:
Կիմ Չեն Ինը հավելել է, որ ստիպված են եղել խոչընդոտներ հաղթահարել, որպեսզի պատմական հանդիպումը կայանա:
Մոտ 50 րոպե երկու երկրների առաջնորդները զրուցել են տետ-ա-տետ, նրանց հետ են մնացել միայն թարգմանիչները:
Գագաթնաժողովի ավարտից հետո ընդլայնված կազմով Թրամփն ու Կիմ Չեն Ինը ևս մեկ անգամ փոխանակվել են ձեռքսեղմումով: Հանդիպման արդյունքներով պաշտոնական հայտարարություն դեռևս չի տարածվել: