ԱՄՆ նախագահ Դոնալդ Թրամփը հեռուստաաստղ Քիմ Քարդաշյանի խնդրանքից հետո ներում է շնորհել և կրճատել թմրանյութ պահելու համար դատապարտված 63-ամյա աֆրոամերիկուհի Էլիս Ջոնսոնի կալանման ժամկետը: Շուտով նա ազատ կարձակվի, գրում է CNN-ը՝ վկայակոչելով Սպիտակ տան հայտարարությունը:
Հիշեցնենք, որ մեկ շաբաթ առաջ Թրամփը հանդիպել էր Քարդաշյանի հետ. այդ հարցի շուրջ քննարկում էին անցկացրել:
«Չնայած ցմահ ազատազրկմանը՝ Էլիսը բանտում աշխատել է վերականգնման համար և օրինակ է դարձել բանտարկյալների համար»,- ասվում է փաստաթղթում:
Քարդաշյանը Twitter-ի իր էջում գրել է, որ դա ամենալավ նորությունն է: