Խնդրում ենք սպասել...

Ի՞նչ է խոսում քաղաքը

«Ալեքս Տեքստիլ»-ը հարկայինում կեղծ աշխատավարձեր է գրանցել

13:55, հինգշաբթի, 31 մայիսի, 2018 թ.
«Ալեքս Տեքստիլ»-ը հարկայինում կեղծ աշխատավարձեր է գրանցել

Երեկ աղմկահարույց բացահայտումներ եղան ԱԼԵՔՍ հոլդինգ ընկերության շուրջ, ըստ որի ընկերությունը 20% ավելացված արժեքի հարկի և շահութահարկի փոխարեն վճարում է 2% հարկ: Ընկերությունը այդ օրինախախտումը իրականացրել է 400-ից ավելի անհատ ձեռներեցների գրանցմամբ:

Այդ տեղեկությունից անմիջապես հետո, նոր տեղեկություններ են ի հայտ գալիս այժմ էլ՝ «Ալեքս տեքստիլ»-ի շուրջ: Ասում են, որ երեկ ընկերության ղեկավարությունը հավաքել է աշխատակիցներին և կարգադրել, որ հարցաքննությունների և ստուգումների դեպքում իրավապահ մարմիններին ներկայացնել, որ իրենք ստանում են 50.000 դրամ աշխատավարձ: Համաձայն տեղեկությունների աշխատակիցների իրական աշխատավարձը կազմում է միջինում 100.000 դրամ, սակայն ընկերությունը աշխատակիցների աշխատավարձը գրանցել է 50.000-ի սահմաններում՝ այդ կերպ նվազեցնելով պետությանը մուծվող հարկերի չափը: Ասում են նաև, որ Ալեքս տեքստիլում աշխատակիցներին շաբաթվա ընթացքում աշխատեցնում են նաև հավելյալ մեկ օր, որի համար չեն վճարում:

Տեղեկացնում ենք, որ նյութը պաշտոնական չէ:
24483 | 4
Facebook