«Ուղիղ 100 տարի առաջ այս օրը հայ ժողովրդի պատմության մեջ տեղի ունեցավ աննախադեպ մի իրադարձություն: Մեր ժողովրդի պատմության մեջ այդպիսի իրադարձություն չէր եղել, ուստի Հայաստանը կոչում ենք նաև Հայաստանի առաջին Հանրապետություն...: Հայ ժողովուրդը պիտի հաղթեր, որովհետև իր երակներում հոսում է Սարդարապատի ու Բաշ Ապարանի հերոսների արյունը, Արամ Մանուկյանի արյունը, Թովմաս Նազարբեկյանի արյունը»...: Հայ ժողովուրդը հաղթեց, որովհետև առաջին անգամ հույսը դրեց ոչ թե ուրիշների, այլ իր ուժեր վրա: Հայ ժողովուրդը հաղթեց, որովհետև որոշեց հաղթել: Եվ միշտ էլ հաղթելու ենք, եթե մեր նեղ անձնական շահերը չփորձենք կապել սեփական ժողովրդի վզին, որ յուրաքանչյուր քաղաքացի գիտակցի, որ տեր է սեփական երկրում և ոչ թե հպատակ, և որ տիրոջ այդ գիտակցումը լինի պարտավորություն»,- Սարդարապատում, իր շնորհավորական ելույթում, ասաց ՀՀ վարչապետ Նիկոլ Փաշինյանը:
«Այլևս երբեք ոչ ոք չի համարձակվի բռնանալ ժողովրդի կամքի վրա, երբեք որևէ մեկը չի համարձակվի ժողովրդին նվաստացնել ընտրակաշառքի վարչական հարկադրանքով:
Կեցցե՛ հայ ժողովրդի հաղթանակների մայիսը»: