Իրադարձություններ

ԱԺ ՀՀԿ խմբակցության պատգամավոր Ջեմմա Բաղդասարյանն, անդրադառնալով Նիկոլ Փաշինյանի՝ զինվորներին հիգիենիկ պարագաներով ու ներքնաշորերով ապահովելու մասին հայտարարությանը, հետաքրքրվեց. «Ե՞րբ եք Ձեր խոստումը կատարելու ու ինչքանո՞վ են բարձրանալու զինծառայողներին տրամադրվող դրամական միջոցները՝ պարագաները ձեռք բերելու համար: Նաև կուզեի իմանալ՝ ինչքանո՞վ է փոխվելու սննդակարգը»:

«Եթե այսուհետ պարագաների կարիք առաջանա զինվորի մոտ ու նա զանգի ծնողին, ես խնդրել եմ, որ դիմեն մամուլին, որպեսզի թեման հրապարակայնացվի, կոնկրետացվի, թե ո՞ր զորամասում է այդ վիճակը, որպեսզի արագ արձագանքենք ու հետևություն անենք: ԶՈՒ գլխավոր շտաբի կողմից արվել են հավաստիացումներ, որ ի վիճակի են բավարարել զինվորների կարիքները, որոնց բավարարման պարտավորությունը կրում են օրենսդրությամբ»,- ասել է վարչապետը: