«ԱԺ-ն վավերացրեց ՀՀ-ԵՄ համաձայնագիրը, որը հունիսից մտնում է ուժի մեջ՝ անցումային դրույթներով: Պարոն Փաշինյան, ժամանակին բարձր կարծիք չէիք հայտնել դրա մասին, բայց պետք է կյանքի կոչել ու դրա պարտականությունն այս փուլում Ձեր կառավարության վրա է: Ի՞նչ է արել Կառավարությունը, որ հունիսի 1-ից ուժի մեջ մտնող պայմանագիրը կյանքի կոչվի»,- ԱԺ-Կառավարություն հարցուպատասխանի ժամին դիմելով ՀՀ վարչապետին՝ հարցրեց ՀՀԿ խմբակցության պատգամավոր Արմեն Աշոտյանը:
«ԵՄ երկրների կողմից վավերացման գործընթացն ընթացքի մեջ է, մենք շփումների ընթացքում հարցը պահում ենք ուշադրության կենտրոնում՝ ակնկալելով, որ գործընթացը ԵՄ երկրներում կարագանա»,- ասաց Փաշինյանը: