«Երևանի Շիրվանզադեի անվան թ. 21 դպրոցի տնօրենն իր դիմումի համաձայն ազատվել է պաշտոնից»,- քիչ առաջ ֆեյսբուքյան իր էջում տեղեկացրեց Երևանի ավագանու «Ելք» խմբակցության անդամ Անահիտ Բախշյանը:
Հիշեցնենք, որ Ա. Բախշյանը վերջին շրջանում պարբերաբար բարձրաձայնում էր, որ թիվ 21 դպրոցում ապօրինություններ են տեղի ունենում: Ծնողներն ահազանգում էին, որ դպրոցում լարված վիճակ է, տնօրենն ամեն առիթով ճնշումներ է գործադրում ուսուցիչների և ծնողների վրա: Վերջիններն, ընդհանրապես, իրավունք չունեին բողոքի ձայն բարձրացնելու: