Թուրքիայի խորհրդարանի պոլսահայ պատգամավոր Կարո Փայլանը, ով ներկայացնում է քրդամետ ընդդիադիր «Ժողովուրդների դեմոկրատական կուսակցությունը» (HDP-ԺԴԿ), նորից առաջադրվելու է որպես պատգամավորի թեկնածու: Արտահերթ խորհրդարանական ընտրությունները Թուրքիայում կայանալու են հունիսի 24-ին:
Փայլանը երեք լեզվով (հայերեն, քրդերեն, թուրքերեն) ուշագրավ գրառում է կատարել Twitter-ի իր էջում.
«Բարև, Տիգրանակերտ
Բարև, Ամեդ (Դիարբեքիրի քրդական անվանումը)
Բարև, Դիարբեքիր
Հպարտության զգացում ունեմ, որ Դիարբեքիրից եմ առաջադրվելու որպես պատգամավորի թեկնածու։
Հաջողություն»։
Գրառման տակ բազմաթիվ մարդիկ, այդ թվում՝ Հայաստանից և Թուրքիայից, հաջողություն են մաղթել Փայլանին գալիք ընտրություններում։