Խնդրում ենք սպասել...
Այսօր`  երեքշաբթի, 22 մայիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Իրադարձություններ

«ՈՒԵՖԱ-ն վարույթ է սկսել «Շիրակ» ակումբի դեմ». Ռուբեն Հայրապետյան

17:00, ուրբաթ, 18 մայիսի, 2018 թ.
«ՈՒԵՖԱ-ն վարույթ է սկսել «Շիրակ» ակումբի դեմ». Ռուբեն Հայրապետյան

Մայիսի 18-ին ՀՖՖ շտաբ-բնակարանում կայացավ ՀՖՖ բողոքարկման կոմիտեի նիստը, որի ընթացքում քննարկվեց «Շիրակ» ակումբի և Արարատ Հարությունյանի բողոքը ՀՖՖ կարգապահական կոմիտեի N17-18-28 արձանագրության և այնտեղ տեղ գտած որոշման դեմ (խմբ՝ խոսքը գնում է «Շիրակ» ակումբին կազմակերպված հանդիպում անցկացնելու կասկածների վերաբերյալ):

Նիստից հետո ՀՖՖ նախագահ Ռուբեն Հայրապետյանը, ինչպես և խոստացել էր, հանդիպել է լրագրողների հետ՝ գործի մանրամասներին ծանոթանալու համար։

«Միանգամից ասեմ։ Սա մամուլի ասուլիս չէ։ Եկել եմ հրապարակելու եղած նյութերը։ ՈՒԵՖԱ-ն վարույթ է սկսել «Շիրակ» ակումբի դեմ։ 15 օրվա ընթացքում որոշում կկայացվի ՈՒԵՖԱ-ի կողմից»,- նշել է Ռուբեն Հայրապետյանը։

Ռուբեն Հայրապետյանը ներկայացրել է գործով մի շարք ապացույցներ, հեռախոսազանգի ձայնագրություններ, նամակագրություն և այլն։ Ռուբեն Հայրապետյանի որոշմամբ՝ լրագրողների համար միացվել է ապացույց հանդիսացող ձայնագրությունը՝ ֆուտբոլիստի և մարզչի հեռախոսազրույցը, որն ապացուցում է կաշառք առաջարկելու փաստը։

«Այս ձայնագրությունից անգլերեն հասկացողներն ամեն ինչ հասկացան։ Սրանից հետո ՀՖՖ-ին մեղադրում եք, որ մենք իրավունք չունենք մեր օրինական գործն անելու։ էԼ ասելիք չունեմ»,- նշել է Հայրապետյանը։

1723 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am