Խնդրում ենք սպասել...
COMMENT.am
Այսօր`  երկուշաբթի, 22 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Համացանց

«Կյանքներս գնաց՝ վրեքն օրենք կարդալով». Լևոն Բարսեղյան

16:35, երկուշաբթի, 14 մայիսի, 2018 թ.
«Կյանքներս գնաց՝ վրեքն օրենք կարդալով». Լևոն Բարսեղյան

Բռնվեք աթոռներից, լավ նստե՞լ եք:

Ուրեմն

Գյումրու ավագանու «Բալասանյան» դաշինքի 10 անդամներ՝ հիմնականում անձնվեր հանրապետականներ (17-ից), 1 հոգի ՕԵԿ-ից և 2 հոգի ԲՀԿ-ից, քիչ առաջ քաղաքապետ Բալասանյանին անվստահություն հայտնելու համար ավագանու նիստ գումարելու նախաձեռնություն են հանդես բերել և նիստ են հրավիրում ամսի 16-ին ժամը 10-ին:

Ուշադրություն չեն դարձրել իրենց մատնանշած ՏԻՄ օերնքի 68-րդ հոդվածին, որի 4-րդ կետում ասվում է, որ «Համայնքի ղեկավարին անվստահություն հայտնելու մասին որոշման նախագիծը ներկայացնելուց հետո` երրորդ աշխատանքային օրը` ժամը 10.00-ին, օրենքի ուժով հրավիրվում է ավագանու նիստ, որում գաղտնի քվեարկությամբ որոշվում է համայնքի ղեկավարին անվստահություն հայտնելու հարցը»: Ամսի 14-ից հաշված երրորդ օրը ամսի 17-ն է ստացվում, ոչ թե 16-ը: Շատ են շտապում, կամ ստորագրողներից ոչ մեկը ժամացույց չի ունեցել:

Գուցե սխալվել են, կուղղեն իրենց սխալը: Կայնքերս գնաց վրեքն օրենք կարդալով:

Բայց սա մանրուք է: Ավելի կարևոր հարց կա:

Տեսնես ինչ է պատահել, որ Բալասանյան դաշինքով Բալասանյանի գլխավորությամբ իշխանության եկած, նրա բոլոր նախաձեռնությունները պաշտպանած ու ավագանու ընդդիմության բոլոր նախաձեռնությունները տապալած ավագանու այդ 10 անդամները որոշել են անվստահություն հայտնել Բալասանյանին, տեսնեն ինչից են դժգոհ, ինչ չեն կիսել, չեն ասում, չեն խոսում, չեն քննադատում, հեղափոխության օրերին աչքի չեն ընկել հեղափոխականությամբ: Բան էլ չի եղել:

Ակնհայտորեն, սա ներքին հեղաշրջում չէ, բոլորը Բալասանյանի քաղաքական և անձնական մերձավորներն են, այդ թվում քաղաքապետի իրենց առաջ քաշած թեկնածուն՝ Տիգրան Հովհաննիսյանը, որը որևէ քաղաքական կամ քաղաքացիական ակտիվությամբ կամ նախաձեռնողականությամբ աչքի չի ընկել: Գուգլում որոնեցի՝ որևէ հրապարակային խոսք չգտա:

Ամենայն հավանականությամբ (91%), կամենում են տապալել անվստահություն հայտնելու իրենց իսկ նախաձեռնած ակցիան, դրանով վստահություն հայտնելով Բալասանյանին:

Երկրորդ քիչ հավանական սցենարը (8%), իսկապես Բալասանյանին չարչարանքներից ազատելն է, ու քաղաքապետի պաշտոնը իրենց կուռ 17 հոգանոց ավագանիով քաղաքական ասպարեզում անհայտ իմ գործընկերոջը հանձնելն է, որին, ըստ օրենքի մեկ տարի անվստահություն հայտնելու իրավունք չի ունենա ավագանին: (ՏԻՄ օր.. 68-8 «Համայնքի ղեկավարին անվստահություն հայտնելու մասին որոշման նախագիծ ներկայացնելու նախաձեռնություն կարող է ցուցաբերվել համայնքի ղեկավարի լիազորություններն ստանձնելուց և անվստահության հարցը քննարկելուց ոչ շուտ, քան մեկ տարի հետո»:

Ակնհայտ է, որ շատ են խառնվել իրար:

Անկախ ամեն ինչից, վերոհիշյալ հիմքով ամսի 16-ի բալասանյանական=հակաբալասանյանականների հրավիրած նիստը ժամկետի առումով ապօրինի է, ճիշտ կանեն, որ նիստը օրենքին համապատասխան կերպով հրավիրեն: Այլապես կորդեբալետ է ստացվելու, ուզում են կորդեբալետ, կստանան կորդեբալետ, վաղուց ելույթ չեմ ունեցել:

Հիշեցնեմ, որ 2016թ. Գյումրու ավագանու ընտրությունների ժամանակ Սերժիկի կենտրոնական ընտրական հանձնաժղովի ջանքերով ընտրական օրենսքգրի կամայական մեկնաբանության արդյունքում Գյումրու ավագանու երկու խմբակցություններից երկու մանդատ խլվեցին եւ ապօրինաբար շնորհեցին «Բալասանյան» դաշինքին, որպեսզի 33 հոգանոց ավագանու կազմում հանրապետականներն ունենան 17 տեղ, լինեն բացարձակ մեծամասնություն և ինչ ուզեն անեն, ապօրինի ոոշումներն ու քաղաքի շահերին դեմ որոշումների կայացումը ներառյալ:

ՀԳ.
     Բոլոր նրանք, ովքեր այս գրածս դիտավորությամբ մեկնաբնելու են որպես իմ՝ քաղաքապետի թեկնածու առաջադրվելու հանրային քարոզ, տանելու եմ Կարակումի կամ Կզլկումի անապատ, և թողնելու եմ այնտեղ, արևի տակ:

| | |
9788 | 1