Ադրբեջանի նախագահ Իլհամ Ալիևը հայտարարել է, որ Ադրբեջանի տարածքային ամբողջականությունը Լեռնային Ղարաբաղի հակամարտության կարգավորման հարցով բանակցային թեմա չէ:
«Մեր սկզբունքային դիրքորոշումը՝ կապված հակամարտության հետ, անփոփոխ է: Ադրբեջանի տարածքային ամբողջականությունը պետք է անվերապահորեն պահպանվի: Դա են պահանջում արդարությունն ու միջազգային իրավունքը: Լեռնային Ղարաբաղն Ադրբեջանի անբաժանելի մասն է»,- ասել է Ալիևը՝ հոր՝ Հեյդար Ալիևի 95-ամյակին նվիրված արարողության ժամանակ:
Հիշեցնենք, որ մայիսի 9-ին Արցախում ՀՀ վարչապետ Նիկոլ Փաշինյանը լրագրողների հետ հանդիպման ժամանակ հայտարարել էր, որ Բաքուն պետք է ճանաչի Արցախի ժողովրդի ինքնորոշման իրավունքը, իսկ հակամարտությունը պետք է կարգավորվի բանակցային, խաղաղ ճանապարհով: