Խնդրում ենք սպասել...
COMMENT.am
Այսօր`  երեքշաբթի, 21 օգոստոսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Միջազգային

«Հայաստանը հարված հասցրեց Պուտինի քաղաքական մոդելին». Washington Post

16:30, երեքշաբթի, 24 ապրիլի, 2018 թ.
«Հայաստանը հարված հասցրեց Պուտինի քաղաքական մոդելին». Washington Post

Սերժ Սարգսյանը, ով Հայաստանը կառավարեց 10 տարի, Վլադիմիր Պուտինի հավատարիմ հաճախորդն էր, նա թերագնահատեց իր քաղաքացիներին, երբ փորձում էր վերարտադրել պուտինյան դասական մանևրը: Այս մասին ասվում է ամերիկյան The Washington Post պարբերականի հոդվածում:

«Նա սահմանադրական փոփոխություններ արեց, ընդլայնեց վարչապետի լիազորություններն, ապա հասավ նրան, որ նշանակվեց այդ պաշտոնին: Արդյունքում 11 օր բողոքի ակցիա անցկացվեց, ինչը Սարգսյանին ստիպեց հրաժարվել այդ պաշտոնից»,- հաղորդում է պարբերականը:

Պարբերականը նշում է, որ դեռևս պարզ չէ, թե ինչի կհանգեցնեն Հայաստանում կատարվող փոփոխություններն ու ինչպիսին կլինեն Կրեմլի հետ հարաբերությունները:

«Ամեն դեպքում, ազգային ըմբոստությունը հարված հասցրեց Պուտինի հեղինակավոր քաղաքական մոդելին»,- ընգծում է WP-ն՝ հավելելով, որ Պուտինն, անկասկած, դա սխալ կընդունի:

«Կարելի է վստահ ասել, որ Թրամփի վարչակազմը որևէ կապ չունի Հայաստանում կատարվող իրադարձությունների հետ: ԱՄՆ-ի միակ արձագանքը Երևանում ամերիկյան դեսպանատան թույլ հայտարարությունն էր, որում ասվում էր, թե դեսպանատունն զսպվածության կոչ է անում»,- ասվում է հոդվածում:

«Ռուսաստանի սպասելիքները չարդարացան»,- կարծիք է հայտնում հոդվածագիրը:

| | |
11125 | 6