ՌԴ Պետդումայի փոխխոսնակ Իգոր Լեբեդևը (Լիբերալ-դեմոկրատական կուսացկությունից) մեկնաբանել է երեկ վարչապետի պաշտոնից Սերժ Սարգսյանի հրաժարականը:
«Ժողովուրդն իր ուզածին հասավ, կեցցե՛ք: Ոչ ոք չի ցանկանում հանդուրժել պետության ղեկին միևնույն մարդուն տասնամյակներով: Անհրաժեշտ է փոխել իշխանությունն ու կուսակցությունները»,- ասել է Լեբեդևը:
Իր հերթին, ԱՊՀ հարցերով Պետդումայի հանձնաժողովի ղեկավար Լեոնիդ Կալաշնիկովը ТАСС-ին հայտնել է, որ Սարգսյանը տղամարդկային և ճիշտ որոշում ընդունեց:
«Չգնաց արյունահեղության, ինչը կարող էր վատ ավարտ ունենալ»,- ասել է Կալաշնիկովը:
Իսկ РБК-ի հետ զրույցում Դաշնային խորհրդի՝ միջազգային հարցերով հանձնաժողովի փոխնախագահ Վադիմիր Ջաբարովը նշել է, որ Հայաստանի հետ Ռուսաստանի հարաբերությունները չեն փոխվի: