«Երեկ առավոտյան Մարիոթ հյուրանոցում տեղի ունեցավ իմ ու Սերժ Սարգսյանի հայտնի հանդիպումը, և նա հանդիպման կեսից թողեց, հեռացավ: Այդ պահից ինձ համար հասկանալի էր, որ նա այլևս հեռացել է նաև վարչապետի պաշտոնից: Երեկ, երբ ԱԱԾ մի խումբ աշխատողներ ինձ առևանգեցին ու տանում էին Սևանի բաժին, հումորներ էի անում ու նրանք չէին հասկանում, թե ինչու եմ այդպես վարվում: Ասում էի՝ տեղերք, Սերժ իշխանությունն այլևս չկա»,- Հանրապետության հրապարակում ելույթն այսպես սկսեց ընդդիմության առաջնորդ Ն. Փաշինյանը:
«Առավոտյան ինձ առաջարկում էին համաձայնել, որ Սերժը հրաժարական տա հոկտեմբերին: 2 ժամից ինձ առաջարկում էին, որ Սարգսյանը հրաժարական տա 1 ամսից: Ավելի ուշ ինձ առաջարկում էին, որ Սերժ սարգսյանը հրաժարական տա ապրիլի 25-ին: Լսեցի դրանք ու արեցի իմը՝ ձեր անունից. ասացի՝ նա պետք է հրաժարան տա 2 ժամվա ընթացքում ու Սերժ Սարգսյանը հրաժարական տվեց: Ուզում եմ, սակայն, տոնելով տոնենք այս իրադարձությունը, որ ժողովրդական ոչ բռնի թավշյա հեղափոխութունը տարել է իր կարևոր հաղթանակը, բայց ուզում եմ հիշեցնել, որ մեր օրակարգում ոչ թե 1, այլ մի քանի հարց էր դրված: Քայլ 1-ին. Սարգսյանը հրաժարական է տալիս, 2-րդ. ԱԺ-ն վարչապետ է նշանակում ժողովրդի թեկնածուին: 7 օրում վարչապետի նշանակումից հետո ձևավորվում է ժամանակավոր կառավարություն, որից հետո պետք է տեղի ունենան ԱԺ արտահերթ ընտրություններ: Քանի որ Սարգսյանն արդեն հեռացած է, պատրաստվում ենք չորեքշաբթի ժամը 11.00-ին Մարիոթում շարունակել բանակցություններն իշխանության անցնցում փոխանցման օրակարգի շուրջ՝ վարչապետի ժամանակավոր պաշտոնակատար Կարեն Կարապետյանի հետ»,- ասաց Փաշինյանը:
Ելույթը շարունակվում է:
