«Հարգելի լրագրողներ, նախապես, դեռ 20 օր առաջ ինքս էլ դիմել էի իրազեկմամբ Երևանի քաղաքապետարան և ոստիկանություն, որպեսզի ապահովեին մեր ազատ երթերի և ցույցերի իրավունքի իրացումը, և այդ հիմքով այսօր՝ ժամը 17։00-ից Ազատության հրապարակում ես իրավունք ունեմ անցկացնելու հանրահավաք, ինչպես նաև Երևանի փողոցներում երթեր և խնդրում եմ, որ լրագրողներն ինձ ուղեկցեն և խնդրել եմ, որպեսզի ինձ ուղեկցեն նաև փաստաբանները, որպեսզի մասնակիցը դառնանք այս ամբողջ քաղաքական գործընթացին»։
Այս մասին քիչ առաջ Hraparak.am-ի հետ զրույցում ասաց «Երկիր Ծիրանի» կուսակցության ղեկավար Զարուհի Փոստանջյանը, որն իր պայքարով միացել է Սերժ Սարգսյանի վարչապետության դեմ պայքարին։
- Տիկին Փոստանջյան, ժամը 19։00-ին նախատեսված է հանրահավաք Հանրապետության հրապարակում։
- Ես հասկանում եմ, հիմա ես բոլոր տեղերում լինելու եմ ու պահանջելու եմ մեր օրինական իրավունքի իրացումը, այսինքն՝ նույն՝ 19։00-ի հավաքը օրինական հավաք է, քանի որ դա ինքնաբուխ հավաք է։
- Դուք այժմ որտե՞ղ եք։
- Ես այժմ Մաշտոցի պողոտայում եմ և կխնդրեի, որ ինձ մոտենային լրագրողները, որպեսզի դուրս գամ և ցուցարարներին մոտենամ։
- Այսինքն՝ շարժման ղեկը Ձեր ձե՞ռքն եք վերցնում։
- Այսօրվա օրինական հավաքի իրականացումը ես ստանձնելու եմ։
Մանրամասներն՝ աղբյուրում: