Համացանց

Գործընթացն այլևս անշրջելի է: Իշխանությունն ակնհայտորեն հոգևարքի մեջ է: Որևէ իշխանություն նման պայմաններում որևէ տեղ չի կարողացել վերապրել այսպիսի մասսայական շարժումը: Միակ դեպքը Սիրիան է, որտեղ գործող իշխանությունը հսկայական հասարակական սատարում ուներ և մինչև մահ կռվելու պատրաստ բանակ: Սիրայում, սակայն, անգամ դա անկարող էր կասեցնել կենտրոնական իշխանության անկումը, եթե չմիջամտեր Ռուսաստանը: Հայաստանում իշխանության միակ հենարանն այսօր ոստիկանությունն է, որի դասալաքումն այլևս օրերի խնդիր է թվում: Սա կասկադային հեղափոխություն է, որտեղ գործում է ապակենտրոնացված հարվածների մեխանիզմ: Իշխանությունն այլևս անկարող է սրան դիմակայել: Եվ որպես հոգեվարք՝ կարող է դիմել ծայրահեղ ուժային մեթոդների: Բայց տվյալ պահին թե հետո՝ դա անպայմանորեն հանգեցնելու է նույն իշխանության առավել արագ անկմանը: