Այս պահին Երևանի տարբեր համայնքներում ընթանում են բողոքի ցույցեր: Ըստ տեղեկությունների, ոստիկանները բերման են ենթարկում ճանապարհները փակելու փորձ անող քաղաքացիներին:
Ականատեսների պատմելով՝ նման դեպքեր տեղի են ունեցել Տիգրան Մեծ փողոցում, Արշակունյաց, Մաշտոցի պողոտաներում, ինչպես նաև Հանրապետության և Գարեգին Նժդեհ հրապարակներում:
Աբովյան փողոցում բերման են ենթարկվել մի խումբ երիտասարդներ, ովքեր քայլելիս են եղել Հանրապետության հրապարակի ուղղությամբ: