Սերժ Սարգսյանի պաշտոնավարման երրորդ ժամկետի դեմ բողոքի ցույցեր իրականացնող երիտասարդներն այսօր. բաժանված խմբերի, երթ են անցկացնում Երևանի տարբեր հատվածներում: Ցուցարարների մի մասն Ամիրյան փողոցում է, մյուսները՝ Ֆրանսիայի հրապարակում, Մաշտոցի պողոտայում, մի մասը Գյուլբենկյան փողոցում, մնացածը՝ Վաղարշյանում:
Արդեն հայտնել էինք, որ երթի ժամանակ բերման են ենթարկել Դավիթ Սանասարյանին, միջադեպ է տեղի ունեցել Գյուլբենկյան փողոցում, երբ ոստիկանները հրելով հեռացնում էին փողոցը փակած մեքենան: