Մոսկվայի Լեֆորտովսկի դատարանը միլիարդ ռուբլու յուրացման կասկածանքով ձերբակալել է «Ռոսգոսստրախ» ընկերությունների խմբի հիմնադիր Դանիլ Խաչատուրովի եղբորը՝ Սերգեյ Խաչատուրովին: Այս մասին հայտնել է նրա փաստաբան Ալեքսեյ Մելնիկովը, փոխանցում է «Интерфакс»-ը:
Խաչատուրովին կալանավորել էին նախօրեին 2 ամիս ժամկետով:
Քննության վարկածով՝ «Ռոսգոսստրախ»-ի նախկին փոխնախագահ Սերգեյ Խաչատուրովը յուրացրել է ընկերության սեփականությունն՝ ավելի քան մեկ միլիարդ ռուբլու չափով:
Իր մեղքը Խաչատուրովը չի ընդունել և ասել է, որ չի հասկանում, թե ինչում են իրեն մեղադրում: