Ներկա շարժման առավելությունը հայ երիտասարդության կայուն համառությունն է: Սա մեծագույն դրական հատկանիշ է, հզոր պոտենցիալ, որին ճիշտ ուղղությամբ տանելն ակնկալիքների իրականացում կբերի: Յուրաքանչյուր շարժման առաջնահերթ խնդիրն է փոքր, թե մեծ հաղթանակներ կորզելը, որն իր ետևից բերում է ոգևորություն և շարժման իրական հզորացում՝ ի դեմս պայքարում ժողովրդի նորանոր շերտերի ներգրավման, ինչպես նաև իշխանության ազդեցության որոշակի թուլացման: Դրա համար սկզբնական շրջանում նպատակադրության թիրախներ պետք է հանդիսանան իրականացման համար համեմատաբար ավելի մատչելի ոլորտները: