Ֆրանսիայի նախագահ Էմանուել Մակրոնն իր նախագահության մեկ տարվա ամփոփման մասին հարցազրույցում հայտնել է, որ գոհ է Սիրիայում ԱՄՆ-ի և Մեծ Բրիտանիայի հետ անցկացրած ռազմական գործողությունից:
«Մենք խոցեցինք այն թիրախները, որոնք ցանկանում էինք խոցել»,- ասել է Մակրոնը:
Մակրոնի խոսքով՝ մարդկային զոհեր չեն եղել, ինչի մասին հայտնում են ռուսական և սիրիական իշխանությունները:
«Դա այն էր, ինչին մենք ձգտում էինք հասնել: Մենք խոցել ենք այն թիրախները, որոնք կապ ունեին քիմիական զենքի մշակման և արտադրման հետ»,- ասել է Ֆրանսիայի նախագահը:
«Դեռ 10 օր առաջ Թրամփն ասում էր, որ ԱՄՆ-ն ցանկություն չունի ռազմական առումով մասնակցել սիրիական ճգնաժամին: Սակայն մենք նրան համոզեցինք, որ Սիրիայում ամերիկյան ռազմական ներկայությունն անհրաժեշտություն է»,- հավելել է Մակրոնը: