Խնդրում ենք սպասել...
Այսօր`  ուրբաթ, 20 ապրիլի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
Kentron (desktop)

Իրադարձություններ

Ողբերգական ավտովթար Արարատի մարզում. 28-ամյա վարորդը 08-ով մխրճվել է КамАЗ-ի մեջ. մահացածի դին ավտոմեքենայից դուրս են բերել փրկարարները. կա վիրավոր

12:25, կիրակի, 15 ապրիլի, 2018 թ.
Ողբերգական ավտովթար Արարատի մարզում. 28-ամյա վարորդը 08-ով մխրճվել է КамАЗ-ի մեջ. մահացածի դին ավտոմեքենայից դուրս են բերել փրկարարները. կա վիրավոր

Այսօր՝ ապրիլի 15-ին, խոշոր ու ողբերգական ավտովթար է տեղի ունեցել Արագածոտնի մարզում: Ժամը 05:50-ի սահմաններում Արթիկ քաղաքի բնակիչ 28-ամյա Հարություն Ղազարյանը Երևան - Գյումրի ավտոճանապարհի 81-րդ կմ հատվածում՝ Մաստարա գյուղի վարչական տարածքում, իր վարած ВАЗ 2108 մակնիշի 34 PO 011 համարանիշի ավտոմեքենայով՝ դեպի Գյումրի ընթանալիս, դուրս է եկել հանդիպակաց երթևեկելի գոտի, բախվել Շիրակի մարզի Հայրենյաց գյուղի բնակիչ 42-ամյա Սայադ Պողոսյանի վարած КамАЗ մակնիշի 050 AD 01 համարանիշի ավտոմեքենային: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Հ. Ղազարյանը տեղում մահացել է, իսկ նրա ուղևոր, համաքաղաքացի 28-ամյա Անդրանիկ Փարվանյանը մարմնական վնասվածքներով տեղափոխվել է Թալինի բժշկական կենտրոն, նրա վիճակը ծանր է:

Փրկարարները մահացածի դին ավտոմեքենայից դուրս են բերել՝ օգտագործելով հատուկ տեխնիկա:

Աղբյուրը հայտնում է նաև, որ վթարից հետո մեկ այլ բեռնատար, որի վարորդը Արարատի մարզի Նոր Կյանք գյուղի բնակիչ 33-ամյա Հովհաննես Ասատրյանն է, բախվել է КамАЗ-ին: Բեռնատարների վարորդները աշխատում են «Հյուսիս-Հարավ» ավտոճանապարհի շինարարական ընկերությունում: Թալինի բժշկական կենտրոնից ֆոտոլրագրողին հայտնել են, որ վիրավորը գտնվում է ծանր վիճակում:

Առավել մանրամասն՝ սկզբնաղբյուրում:

7343 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
Քսակ > Կուտակիր՝ ծախսելով
ԱՐՑԱԽ.news ԼՐԱՏՎԱԿԱՆ