Խնդրում ենք սպասել...
Այսօր`  երկուշաբթի, 23 հուլիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Համացանց

«Սիրիայի հրթիռակոծման կապակցությամբ Թուրքիայի ողջունող հայտարարությունը երերուն կացություն է ստեղծում Ռուսաստան-Իրան-Թուրքիա գործակցության հետագա ճակատագրի առումով». Վարդան Ոսկանյան

14:25, շաբաթ, 14 ապրիլի, 2018 թ.
«Սիրիայի հրթիռակոծման կապակցությամբ Թուրքիայի ողջունող հայտարարությունը երերուն կացություն է ստեղծում Ռուսաստան-Իրան-Թուրքիա գործակցության հետագա ճակատագրի առումով». Վարդան Ոսկանյան

Սիրիայի տարածքի այսօրվա հրթիռակոծման կապակցությամբ Թուրքիայի արտգործնախարարության ողջունող հայտարարությունը, որտեղ նաև մեծ պաթոսով նշվում է, թե այդ գործողությունը «մարդկային խղճի դրսևորում» է, բավական երերուն կացություն է ստեղծում սիրիական հիմնախնդրում Ռուսաստան-Իրան-Թուրքիա գործակցության հետագա ճակատագրի առումով։

Ակնհայտ էր, որ այս «եռյակի» ձևավորումը, թեև իրավիճակային բնույթ ուներ, սակայն առնվազն իրանական կողմից դրանում Թուրքիայի ներկայության առումով կային լուրջ վերապահումներ, և նախագահ Հասան Ռուհանիի քաղաքական թիմից հսկայական ջանքեր էին պահանջվում Իրանի ներսում՝ նաև հասարակական մակարդակում հիմնավորելու Սիրիային առնչվող գործընթացներում թուրքական ներգրավվածության և թուրք-իրանական շփումների անհրաժեշտությունը։

Թուրքիայի նման արձագանքից հետո Իրանում ավելի են ամրապնդվելու այն քաղաքական և հասարակական շրջանակների դիրքերը, որոնք կտրականապես դեմ են Անկարայի հետ որևէ ձևաչափով Թեհրանի համագործակցությանը՝ համարելով, որ նույնիսկ Սաուդյան Արաբիայի հետ պայքարում ծախսվող մարդկային և ֆինանսական ռեսուրսների մի զգալի հատվածը պետք է տեղափոխել թուրքական ուղղություն։

| | |
2595 | 0