Իրադարձություններ

«Պարզ է, որ ոստիկանությունը հիմա բերված է բարձր պատրաստվածության մակարդակի: Մենք պայմանավորվում ենք հետևյալը՝ եթե կլինի ոստիկանական գործողություն, մեր մարտավարությունը պասիվ դիմադրությունն է: Չենք ազատում մեր տարածքները, բայց ոստիկանների նկատմամբ բռնի ուժ չենք գործադրում, չենք հայհոյում: Մենք չենք եկել այստեղ ոստիկանների դեմ պայքարելու, մենք եկել ենք այստեղ Սերժ Սարգսյանի դեմ պայքարելու»,- Ֆրանսիայի հրապարակում ելույթ ունենալով՝ ասաց Նիկոլ Փաշինյանը: Նա նաև հավաքի մասնակիցներին ցույց տվեց, թե ինչպես դիմակայել ոստիկանական գրոհին ու չթուլացնել դիրքերը: