ՌԴ նախագահ Վլադիմիր Պուտինը շնորհավորել է Իլհամ Ալիևին Ադրբեջանի նախագահի պաշտոնում վերընտրվելու կապակցությամբ: Համաձայն այդ երկրի ԿԸՀ տվյալների՝ Ալիևը հավաքել է ձայների 86,03%-ը:
Շնորհավորական ուղերձում Պուտինը նշել է, որ Ալիևի «համոզիչ հաղթանակը հստակ հաստատում է նրա բարձր քաղաքական հեղինակությունն ու վկայում է սոցիալ-տնտեսական և ներքաղաքական խնդիրների լուծման հարցում նրա արժանիքների ճանաչումը»:
Կրեմլում նաև հայտնել են, որ ՌԴ նախագահը բարձր է գնահատում Մոսկվայի և Բաքվի միջև բարիդրացիական հարաբերությունների ամրապնդումը: