Մոտ մեկ շաբաթ առաջ Վատիկանում հանդիսավորությամբ բացվեց Սուրբ Գրիգոր Նարեկացու արձանը: Շուրջ երկու մետր բարձրությամբ բրոնզե արձանը ձուլվել է Չեխիայում, հեղինակը Հայաստանի ժողովրդական նկարիչ, քանդակագործ Դավիթ Երևանցին է, ճարտարապետը` Միքայել Հասրաթյանը:
Արձանը քննարկումների թեմա էր դարձել մամուլում ու համացանցում: MAMUL.am-ը հարցում էր անցկացրել, պարզելու՝ ինչ կարծիք ունեն քաղաքացիները Նարեկացու՝ Վատիկանում տեղադրված արձանի վերաբերյալ:
Հարցման մասնակիցների 40%-ը գտնում է, որ այն արվեստի հիասքանչ գործ է, 36%-ի կարծիքով՝ արձանն անհաջող է ստացվել: 24%-ը նշել է, որ քանդակագործությունից ոչինչ չի հասկանում: