ԱՄՆ նախագահ Դոնալդ Թրամփը հայտարարել է, որ Ռուսաստանը պետք է պատրաստ լինի նոր հրթիռների հարձակմանը:
Ընդ որում, Թրամփը կրկին անդրադարձել է Սիրիայի նախագահ Բաշար Ասադին և նրան մեղադրել Սիրիայում քիմիական զենք կիրառելու համար:
«Պատրաստվի՛ր Ռուսաստան, քանի որ գալիս են նոր, գեղեցիկ և խելացի հրթիռները: Հարկ չկա համագործակցել այդ կենդանու հետ, ով սպանում է իր ժողովրդին և դրանից հաճույք ստանում»,- գրել է Թրամփը Twitter-ի իր էջում:
Ավելի վաղ Թրամփն իր խորհրդականների հետ քննարկել էր Սիրիայի ուղղությամբ հնարավոր հարվածի մանրամասները: