Աշխարհում ալյումին արտադրող ամենախոշոր «Ռուսալ» ընկերության ղեկավարությունը կարող է տեխնիկական դեֆոլտ հայտարարել ամերիկյան նոր պատժամիջոցների պատճառով:
«Интерфакс»-ի հաղորդմամբ՝ ընկերությունը հավանական է համարում, որ պատժամիջոցները բացասական ազդեցություն կունենան բիզնեսի և դրա զարգացման հեռանկարների վրա:
Բացի այդ, 2017թ. ընթացքում ընկերության տարեկան զեկույցի հրապարակումը կարող է հետաձգվել:
Ընդ որում, «Ռուսալ»-ը մտադիր է իրականացնել իր բոլոր գործող պարտավորությունները:
Հաղորդվում է նաև, որ սև ցուցակում հայտնվելուց հետո «Ռուսալ»-ի ակցիաները Հոնգկոնգի բորսաներում նվազել են ավելի քան 40%-ով:
Հիշեցնենք՝ ապրիլի 6-ին ԱՄՆ-ի ֆինանսների նախարարությունը ռուսական ընկերությունների և գործարարների նկատմամբ նոր պատժամիջոցներ սահմանեց: Պատժամիջոցային ցանկում հայտնվեցին 15 ընկերություն և 26 գործարար: