Հետաքրքիր է

Մարտի 28-ի առավոտյան Ֆլորիդայի բնակչուհի Ջուլի Թերներն իր 8-ամյա որդու հետ լողափում զբոսնելիս նկատել է, որ ծովն ափ է նետել փայտյա ինչ-որ շինվածք: Նա նախ որոշել է, որ դա հին ցանկապատի կտոր է, սակայն ավելի ուշադիր տնտղելուց հետո հասկացել է, որ դա նավի հատակ է: Ավելի ուշ նավի կտորն ուսումնասիրել են մասնագետներն ու ենթադրել, որ այն պատրաստվել է 18-րդ դարում: Գտածոն ունի 15 մ երկարություն և բավականին լավ է պահպանվել շնորհիվ ավազի տակ երկար ժամանակ մնալու, որտեղից էլ նրան դուրս է բերել ու ափ նետել փոթորիկը: Գտնված կտորը թույլ է տալիս ենթադրելու, որ ժամանակին նավը պատված է եղել պղնձով: